ل ڕۆژا چارشەمبی، ڕێککەفتی ٢١ی ١٠ی ٢٠٢٦، شاندەکێ دەستەیا کارگێریا نوی یا سەندیکا ئەندازیارێن کوردستانێ - لقا زاخۆ، ب سەرۆکاتیا ئەندازیار (ئەسعەد محەمەد خالید)، سەرەدانا کۆلیژا ئەندازیاری ل زانکۆیا زاخۆ کر.
شاندێ مێهڤان ژلایێ ڕاگرێ کۆلیژا ئەندازیاری، بەڕێز (پ.هـ.د. فرست حیتۆ عبدالرحمان)، ب ئامادەبوونا سەرۆکێ پشکا میکانیک (م. عەلی ابراهیم) و ئەندازیار عبدلواحد، ڕێڤەبەرێ یەکا ئەندازیاری و پڕۆژە ل سەرۆکاتیا زانکۆیا زاخۆ، ب گەرمی هاتنە پێشوازیکرن.
د د کۆمبوونا هەردۆک ئالیان دا، گەنگەشە ل سەر چەند تەوەرێن گرنگ و ستراتیژی هاتە کرن، ژ وان ژی:
• ۱. بهێزکرنا هەماهەنگیێ: پێشئێخستن و تەوەرکرنا پەیوەندیێن هەڤپشک د ناڤبەرا سەندیکا ئەندازیاران و کۆلیژا ئەندازیاری دا، ب مەرەما ئێکخستنا شیانێن زانستی و پیشەیی.
• ۲. ڕۆلێ مامۆستایێن زانکۆ ژ بۆ پەرەپێدانێ: بەحس ل گرنگیا ڤەکرنا خولێن ڕاهێنانێ و پێگەهاندنا پیشەیی هاتە کرن ژ بۆ بلندکرنا ئاستێ زانستی و مەیدانی یێ ئەندازیاران ل سنورێ ئیدارا سەربخوەیا زاخۆ ب رێیا شیانێن مامۆستایێن زانکۆێ.
• ۳. چالاککرنا نڤیسینگەها ڕاوێژکاری: بەرفرەهکرن و بهێزکرنا ڕۆلێ نڤیسینگەها ڕاوێژکاری ل کۆلیژا ئەندازیاری، وەکو ناڤەندەکا زانستی بۆ پشته‌ڤانیکرن و پێشڤەبرنا پڕۆژێن خزمەتگوزاری و ئاڤاكرنێ ل سنورێ دەڤەرێ.
• ٤. پاشەڕۆژا دەرچوویان و دەرفەتێن کار: ناساندنا ڕۆل و ئارمانجێن سەندیکایێ بۆ قوتابیێن قۆناغا دووماهیێ و دەرچوویێن زانکۆیێ، هەروەسا ڤەدیتن و رەخساندنا دەرفەتێن کار و ئاسانکاری بۆ وان د بازارێ کاریدا.